YMCA 2017 港青免費運動試玩日

2017 YMCA 港青免費運試玩日

YMCAHK Free Sports Trial Day

較早前大Q參加左試玩日，因為大Q可以試玩既運動有限。好多都要3歲先可以玩、所以大Q都係試下玩唔玩到。

所以我幫佢報左兒童體操堂，呢個係3-6歲既體操堂。一個鐘時間。家長都可以係課室觀課，
大Q細個時都有接觸過坊間其他的體操班，YMCA就第一次玩，有一男一女既導師，課室內放滿體操用的小工具，感覺都幾Pro，短短的一小時課堂，有大約15 分鐘熱身，導師會幫助小朋友做壓腿或拉跟的動作，之後會開始佢地既小體操，有玩滾筒，行平衡木，跳圈圈，跳彈床，跳鞍馬，學做倒立。。。。等等
課堂內容幾豐富，好多野玩。我相信因為係試堂。想吸引多D人參加，所以課堂內容比較多。。導師都好有耐性去教導，幾嚴格，（QQ媽鐘意嚴格既老師）🤣
上完堂後重有小禮物會送俾小朋友。個個都玩得好開心。

總結：我對YMCA既體操堂幾滿意。我會俾4 ⭐️⭐️⭐️⭐️（5星滿分）
佢既暑期課程都好豐富。我都努力幫大Q小Q睇緊興趣班，可惜既係好多都最少2.5 歲。。
小Q起碼要下年先玩到。。作為媽媽用家。。我會選擇YMCA俾小朋友上堂。。👍🏻👍🏻👍🏻